2021 г. — 70 гадоў з дня нараджэння Віктара Францавіча Чарнавокага (1951–2009), мастака, педагога
Віктар Францавіч Чарнавокі нарадзіўся ў 1951 г. у вёсцы Тальмінавічы Ляхавіцкага раёна ў сялянскай сям’і. З дзяцінства любіў маляваць. Аднойчы яго малюнак «Бярозавы гай, асветлены сонцам» перамог у конкурсе «Пионерской правды» i дванаццацігадовы аўтар атрымаў пуцёўку ў піянерскі лагер «Артэк». Затым наведваў гурток малявання ў раённым Доме піянераў, куды дабіраўся на веласіпедзе за 12 км.
11 сакавіка 2021 г. — 80 гадоў з дня нараджэння Мікалая Міронавіча Плескацэвіча (1941), вучонага ў галіне педагогікі, заслужанага работніка адукацыі Беларусі
Мікалай Міронавіч Плескацэвіч нарадзіўся 11 сакавіка 1941 г. у вёсцы Мінічы Ляхавіцкага раёна Баранавіцкай (цяпер Брэсцкай) вобласці. Дзяцінства Мікалая выпала на ваенны і няпросты час пасляваеннага аднаўлення. Пасля заканчэння з сярэбраным медалём Мядзведзіцкай сярэдняй школы хлопец з Мінічаў паспяхова паступіў у Мінскі дзяржаўны педагагічны інстытут імя А. М. Горкага.
26 сакавіка 2021 г. — 85 гадоў з дня нараджэння Вячаслава Іванавіча Бацюшко (1936), вучонага ў галіне будаўнічай вытворчасці, выдатніка вышэйшай адукацыі СССР
Вячаслаў Іванавіч Бацюшко нарадзіўся 26 сакавіка 1936 г. у вёсцы Берказы Бродніцкай гміны Пінскага павета Палескага ваяводства (цяпер Дубайскага сельсавета Пінскага раёна Брэсцкай вобласці). У красавіку 1943 г. нямецка-фашысцкімі акупантамі быў вывезены ў дзіцячы нямецкі канцлагер; па люты 1945 г. адбываў прымусовыя работы ў Германіі. Адразу пасля вызвалення знаходзіўся пры штабе палка 1-га Беларускага фронту ў якасці перакладчыка, пасля быў накіраваны на радзіму.
2 сакавіка 2021 г. — 65 гадоў з дня нараджэння Святланы Іосіфаўны Чырун (1956), харэографа, ганаровага грамадзяніна Кобрынскага раёна, выдатніка адукацыі
Святлана Іосіфаўна Чырун нарадзілася 2 сакавіка 1956 г. у г. Кобрыне Брэсцкай вобласці. Любоў да танца з’явілася ў дзяцінстве, калі ў сем гадоў мама прывяла дзяўчынку ў танцавальны гурток Дома піянераў. Пасля заканчэння васьмі класаў у 1971 г. Святлана паступіла ў Гродзенскае культасветвучылішча.
3 студзеня 2021 г. — 70 гадоў з дня нараджэння Валянціны Міхайлаўны Куксы (1951–2014), пісьменніцы, педагога
Валянціна Міхайлаўна Кукса (у дзявоцтве Леанюк) нарадзілася 3 студзеня 1951 г. у вёсцы Гнеўчыцы Іванаўскага раёна Брэсцкай вобласці ў шматдзетнай сялянскай сям’і. Бацька працаваў манцёрам сувязі рачнога транспарту Пінскага параходства. Вясковае выхаванне змалку навучыла цярплівасці, адказнасці, у поце здабываць свой хлеб. Васьмігадовая школа была ў Гнеўчыцах, а вось у дзесяцігодку прыйшлося хадзіць у суседні Крытышын.
8 снежня 2020 г. — 50 гадоў з дня нараджэння Мікалая Іванавіча Навумчыка (1970), настаўніка-метадыста, журналіста, публіцыста
Мікалай Іванавіч Навумчык нарадзіўся 8 снежня 1970 г. у вёсцы Зарэчка Драгічынскага раёна Брэсцкай вобласці. У школе любіў літаратуру, з цікавасцю пісаў сачыненні, двойчы стаў пераможцам рэспубліканскага конкурсу сачыненняў «Самы цікавы дзень лета». З пятага класа супрацоўнічаў з раёнкай «Запаветы Леніна», дасылаў допісы ў газету «Піянер Беларусі».
13 кастрычніка 2020 г. — 70 гадоў з дня нараджэння Паўла Аляксандравіча Міхайлава (1950), лінгвіста, даследчыка пытанняў беларускай дыялекталогіі, педагога, выдатніка адукацыі Беларусі
Павел Аляксандравіч Міхайлаў нарадзіўся 13 кастрычніка 1950 г. у вёсцы Ушкавіца Кобрынскага раёна Брэсцкай вобласці ў сялянскай сям’і Аляксандра Агафонавіча і Марыі Восіпаўны. Дзяцінства і юнацтва прайшлі ў роднай вёсцы. У 1968 г. закончыў сярэднюю школу № 1 г. Кобрына.
30 ліпеня 2020 г. — 60 гадоў з дня нараджэння Мікалая Іванавіча Кавалевіча (1960), матэматыка, кандыдата педагагічных навук, паэта
Мікалай Іванавіч Кавалевіч нарадзіўся 30 ліпеня 1960 г. у вёсцы Чаромушкі Здзітаўскага сельсавета Бярозаўскага раёна Брэсцкай вобласці. Бацькі ў час Вялікай Айчыннай вайны былі вязнямі фашызму, пасля вайны бацька працаваў шахцёрам, а затым на Бярозаўскай ГРЭС. У 1977 г. Мікалай скончыў Здзітаўскую сярэднюю школу і паступіў у Брэсцкі дзяржаўны педагагічны інстытут імя А. С. Пушкіна на спецыяльнасць «матэматыка і фізіка».
16 чэрвеня 2020 г. — 75 гадоў з дня нараджэння Васіля Аляксеевіча Сцепановіча (1945), вучонага-філосафа, педагога, заслужанага работніка адукацыі Беларусі
Васіль Аляксеевіч Сцепановіч нарадзіўся 16 чэрвеня 1945 г. у вёсцы Блудзень (цяпер Першамайская) Бярозаўскага раёна Брэсцкай вобласці ў сям’і рабочых. Бацькі рана не стала (у 1946 г. загінуў ад рук бандытаў); маці, Марыя Пятроўна, адна выхоўвала трох дзяцей у цяжкія пасляваенныя гады. Васіль вельмі шмат чытаў, добра закончыў мясцовую сярэднюю школу.
24 снежня 2020 г. — 70 гадоў з дня нараджэння Святланы Мікалаеўны Сямёнавай (1950), заслужанага настаўніка Рэспублікі Беларусь, ганаровага грамадзяніна г. Брэста
Святлана Мікалаеўна Сямёнава нарадзілася 24 снежня 1950 г. у пасёлку Паўднёва-Курыльск Сахалінскай вобласці. Скончыла Брэсцкі дзяржаўны педагагічны інстытут імя А. С. Пушкіна ў 1972 г. Працавала настаўніцай матэматыкі ў Пугачоўскай васьмігадовай школе, з 1975 г. — арганізатарам пазакласнай і пазашкольнай работы СШ № 1 г. Брэста, з 1985 г. — дырэктарам СШ № 15 г. Брэста.